"Наполи" "Эмполи"нинг истеъдодли ҳимоячиси трансфери бўйича келишиб олди.
Calciomercato нашри тарқатган хабарга кўра 20 ёшли Лука Мариануччи ёзда Антонио Конте жамоасига бориб қўшилади. Трансфер қиймати 9 миллион евро атрофида бўлади. Истиқболли италиялик футболчининг агенти "Наполи" билан музокаралар олиб борганини ва келишув деярли якунланганини айтди.
Бу мавсумда Лука Мариануччи А Сериянинг кутилмаган кашфиётларидан бирига айланди. Италиялик футболчи "Эмполи" сафида барча мусобақаларда 15 та ўйинда майдонга тушиб, 2 та голли узатмани амалга оширди.
