"Тоттенхэм" таянч ярим ҳимоячиси Ив Биссума ёзги трансфер ойнасида жамоани тарк этиши мумкин. Бу ҳақда журналист Экрем Конур хабар бермоқда.
Манбага кўра, 28 ёшли хавбек Англия Премьер-лигасининг уч вакили - "Астон Вилла," "Кристал Пэлас" ва "Эвертон" радарида турибди. Бундан ташқари, Биссума хизматига Франциянинг бир неча клублари қизиқиш билдирмоқда ва улар футболчи учун тахминан 25-30 миллион евро таклиф қилишни режалаштирмоқда.
Жорий мавсумда Биссума барча мусобақаларда 35 та ўйинда майдонга тушди ва 2 та гол урди. Малилик футболчининг "шпорлар" билан меҳнат шартномаси 2026 йилнинг ёзигача мўлжалланган.
