Тибо Куртуа Доменико Тедеско билан можаро ҳақида гапирди.
2023 йилнинг июн ойида дарвозабон ва мураббий ўртасида келишмовчиликлар юзага келган, натижада Куртуа Эстония билан Евро-2024 саралаш ўйини олдидан кутилмаганда жамоани тарк этганди. У Тедеско қўл остида терма жамоада бошқа ўйнамади.
Энди Тибо терма жамоага қайтди. Ҳозир жамоан Руди Гарсия бошқармоқда.
"Муаммо сардорлик боғичида эмас эди. Тедеско билан боғлиқ муаммо глобалроқ эди. У вазиятни ёмон кўрсатди ва менинг имиджимни бузди. Мен унга ишонмасдим.
Мен хатолар қилдим. Узоқ мавсумдан кейин 100% тайёр эмас эдим. Менда кичик жисмоний муаммолар бор эди ва бу менга босим ўтказди. Ўша пайтда жамоа базасида ягона сардор мен эдим.
У мен билан ҳеч қачон гаплашмаган. Мендан сардорликни олиб қўйганида жаҳлим чиқиб кетди. У мени ҳурмат қилмаётганини ҳис қилдим. Мен қийин характерга эга эканлигимни биламан. Мен ҳиссиёт билан жавоб бердим.
Бу жамоада қолиши, жамоа ичида ҳал қилиниши керак эди. Терма жамоага қайтиш имконсиз эди. Федерация вазиятни бошқача ҳал қилиши мумкин эди. Ва мен дарҳол тиззадан жароҳат олдим. Фақат мавсум охирида майдонган қайтдим. Евро-2024'га тайёр эмасдим”, - дейди Куртуа.
