"Арсенал" ҳужумкор ярим ҳимоячи Букайо Сака бўйича қарор қабул қилди. BBC хабарига кўра, Лондон клуби яқин келажакда Сака билан янги шартнома бўйича музокараларни бошлаш ниятида. 23 ёшли футболчининг амалдаги меҳнат шартномаси 2026/2027 йилги мавсум охиригача мўлжалланган ва "канонирлар" ҳар қандай ноаниқликдан қочиш учун масалани тезроқ ёпмоқчи. Яқин вақт ичида музокаралар жараёни тезлашади.
Букайо Сака "Арсенал"да уч ойдан бери ўйнамаяпти. Тез орада футболчи жароҳатидан фориғ бўлиб сафга қайтиши керак.













