Мюнхеннинг афсонавий собиқ вингери Франк Рибери “Бавария” клуби сайтига берган интервюсида Жамол Мусиала ҳақида гапирди.

"Жамол худди Олисе каби ноёб футболчи. Улар мен каби ўйнамаса ҳам, "Бавария" учун ўзига хос ва ниҳоятда муҳим. Асосийси, футболни ўйин сифатида кўриш ва ундан завқ олиш.

Ёшлигингизда одамларнинг умидлари табиий равишда юқори ва доимий равишда ошиб боради. Лекин биз футболчилар машина эмасмиз. Жамоани кузатиш чоғида Жамол билан машғулот вақтида учрашиш имконига эга бўлдим. Мен унга футбол ўйнашда давом этишини ва "Бавария"да қолишини айтди", деди Рибери.

Мусиала бу мавсумда “Бавария” сафида барча мусобақаларда 38 та ўйинда майдонга тушиб, 17 та гол ва 7 та голли узатмага муаллифлик қилган.