Хабарингиз бор, эртага миллий терма жамоамиз Жаҳон чемпионати саралаши доирасида Қирғизистонга қарши баҳс олиб боради. Ундан сўнг бизни Эронга қарши муҳим учрашув кутмоқда.
Эронликлар сафида бир қатор футболчилар огоҳлантириш олганликлари боис эртанги БААга қарши ўйинда эҳтиёткорлик билан ҳаракат қилишлари талаб этилади: Алиризо Жаҳонбахш, Ҳусайн Канани, Милад Муҳаммади, Сардор Азмун, Муҳаммад Моҳеби, Меҳди Гайеди, Саид Иззатуллоҳи, Ариа Юсуфий. Агар шу футболчилардан бирортаси 7-турда яна огоҳлантирилса, терма жамоамизга қарши ўйинни ўтказиб юборишади.
Ҳамюртларимиздан эса кетма-кет огоҳлантиришлар сабабли Эронга қарши ўйинда иштирок эта олмасликлари эҳтимоли мавжуд футболчилар қуйидагилар: Жалолиддин Машарипов, Шерзод Насруллаев, Одил Ҳамробеков, Бобур Абдуҳолиқов, Фаррух Сайфиев, Элдор Шомуродов.
