Xabaringiz bor, ertaga milliy terma jamoamiz Jahon chempionati saralashi doirasida Qirg‘izistonga qarshi bahs olib boradi. Undan so‘ng bizni Eronga qarshi muhim uchrashuv kutmoqda.
Eronliklar safida bir qator futbolchilar ogohlantirish olganliklari bois ertangi BAAga qarshi o‘yinda ehtiyotkorlik bilan harakat qilishlari talab etiladi: Alirizo Jahonbaxsh, Husayn Kanani, Milad Muhammadi, Sardor Azmun, Muhammad Mohebi, Mehdi Gayedi, Said Izzatullohi, Aria Yusufiy. Agar shu futbolchilardan birortasi 7-turda yana ogohlantirilsa, terma jamoamizga qarshi o‘yinni o‘tkazib yuborishadi.
Hamyurtlarimizdan esa ketma-ket ogohlantirishlar sababli Eronga qarshi o‘yinda ishtirok eta olmasliklari ehtimoli mavjud futbolchilar quyidagilar: Jaloliddin Masharipov, Sherzod Nasrullayev, Odil Hamrobekov, Bobur Abduholiqov, Farrux Sayfiyev, Eldor Shomurodov.
