"Бавария"да Мануэль Нойернинг ўринборсари ҳисобланган Йонас Урбиг Германия ёшлар терма жамоасида ўйнаётган вақтида жароҳат олди. Бу ҳақда "Бавария" матбуот хизмати хабар берди.
Оёғидаги жароҳат туфайли Урбиг Мюнхен клубига қайтишга мажбур бўлди ва у клуб ихтиёрида даволанади.
Эслатиб ўтамиз, Мануэль Нойер жароҳат олгандан сўнг яқинда айнан Урбиг "Бавария" дарвозасини қўриқлаётган эди. Урбиг 21 ёшда ва ёш футболчи 2025 йилнинг қишида Германия чемпиони сафига қўшилган.
"Бавария" таркибида миллий чемпионат ва Чемпионлар лигаси доирасидаги тўртта ўйинда у тўртта гол ўтказиб юборган.
