Франция терма жамоаси ҳужумчиси Килиан Мбаппе жамоага қайтиши борасида ўз фикрлари билан ўртоқлашди.  

Мбаппе ўз сўзларида «Les Bleus» қароргоҳида бўлиш унга катта завқ бағишлашини таъкидлади:  

«Бу ерда яна бўлиш имкониятига эга бўлганимдан бахтиёрман. Деярли барча футболчилар билан мулоқотдаман, кўпчилиги билан яхши дўстона муносабатдаман. Миллий жамоа муҳитини яна ҳис қилиш жуда ёқимли», — деди у.  

Шунингдек, Килиан бу йил ажойиб спорт формасини намоён қилаётган Усмон Дембеле ҳақида ҳам фикр билдирди:  

«Мен уни ҳар доим майдонда ажойиб шерик деб билганман, ҳозир эса бунга янада ишонч ҳосил қилдим. У жамоа учун муҳим фигура. Агар Усмон клубдаги каби ўйнаса, биз ғалаба қозонишимиз мумкин», — дея хулоса қилди ҳужумчи.