Роберто Мартинес Португалия терма жамоаси ва "ПСЖ"даги Жоау Невеш ва Витинья жуфтлигини юқори баҳолади.
Португалиялик мураббий Данияга қарши Миллатлар лигаси 1/4 финали 1-ўйини арафасида ўз фикрларини билдириб ўтди.
"Менга "ПСЖ" ва футболчиларимизнинг ўйини ёқди, аммо Невеш ва Витинья дуэти терма жамоада пайдо бўлганини унутмаслигимиз керак.
Мен Дания терма жамоасини яхши биламан, улар билан сўнгги йилларда учрашганмиз. Данияликларда янги мураббий бор, аммо тушунчалар аввалгиларига ўхшаш. Уларнинг майдонда нима қилмоқчи эканлигини тушуниш осон, менга уларнинг ёндашуви ва услуби ёқади. Биз жамоани яхши мувозанатлашимиз, шиддатли, энг юқори савияда ўйнашимиз керак.
Миллатлар лигаси энг қийин турнирлардан бирига айланиб бормоқда. Бу нафақат якуний босқич, балки саралаш ҳақида ҳам. Жамоаларнинг савиясини кўриб турибсиз, энди бу Европанинг энг яхши жамоалари билан ўйинлар", - деди Мартинес.
