"Барселона" ярим ҳимоячиси Френки де Йонг Ламин Ямалнинг Лионель Месси билан таққосланиши ҳақида гапирди.
17 ёшли вингер "кўк-анорранглилар" учун алмаштириб бўлмас футболчига айланди ва Мессининг вориси ёрлиғига сазовор бўлди. Айтганча, де Йонг клубдаги кўпчилик каби бундай таққослашларни унчалик ўринли деб ҳисобламайди.
"Ламинни Месси билан таққослаш керак эмас - Лео билан таққослашда ҳар қандай футболчи ютқазади. Ўйлайманки, Леога ўхшаган футболчини кўрмаймиз, кўрсак ҳам яқин орада кўрмаймиз. Шунинг учун, менимча, Ямални у билан таққослашдан маъно йўқ," - дея нидерландиялик хавбекнинг сўзларини келтиради Managing Barca.
