"Barselona" yarim himoyachisi Frenki de Yong Lamin Yamalning Lionel Messi bilan taqqoslanishi haqida gapirdi.
17 yoshli vinger "ko‘k-anorranglilar" uchun almashtirib bo‘lmas futbolchiga aylandi va Messining vorisi yorlig‘iga sazovor bo‘ldi. Aytgancha, de Yong klubdagi ko‘pchilik kabi bunday taqqoslashlarni unchalik o‘rinli deb hisoblamaydi.
"Laminni Messi bilan taqqoslash kerak emas - Leo bilan taqqoslashda har qanday futbolchi yutqazadi. O‘ylaymanki, Leoga o‘xshagan futbolchini ko‘rmaymiz, ko‘rsak ham yaqin orada ko‘rmaymiz. Shuning uchun, menimcha, Yamalni u bilan taqqoslashdan ma’no yo‘q," - deya niderlandiyalik xavbekning so‘zlarini keltiradi Managing Barca.
