Италиянинг "Милан" клуби собиқ спорт директори Ариедо Брайда клубга Массимилиано Аллегрининг янги бош мураббий этиб тайинланиши мумкинлиги ҳақида гапирди.
Айнан Брайда 2010 йилда Аллегрини "Милан"га олиб келди ва у дарҳол чемпионлик унвонини қўлга киритди.
"Натижалар унинг кимлиги ҳақида гапиради, менинг сўзларим эмас. У биринчи йилида биз билан ғалаба қозонган, кейин эса "Ювентус" билан кўп маротаба ғалаба қозонган. Келажакда нима бўлишини фақат Худо билади, лекин Макснинг яхши афзалликлари бор", - деди Брайда.
"Милан" айни дамда А Серияда 9-ўринда бормоқда.
