CaughtOffside нашри хабарига кўра, "Арсенал" ёзда ҳужум чизиғини кучайтиришни режалаштирмоқда ва улар эътибор қаратган футболчилардан бири "Реал" аъзоси Арда Гюлердир.
Турк иқтидорига Европанинг кўплаб клублари қизиқиш билдираётган эди, аммо 2023 йилнинг ёзида у "Реал"га ўтишни танлади. Бироқ бу қадам унга кўнгилдагидек муваффақият келтирмади. "Реал"нинг Гюлерга ишончсизлиги клуб мухлислари орасида кўплаб саволларни келтириб чиқармоқда. Гюлер ва Карло Анчелотти ўртасида ҳеч қачон "жуда яхши муносабатлар" бўлмагани ҳақида маълумотлар бор, гарчи мураббий унга майдонда кўпроқ имконият бермаслигининг сабаблари бу бўлмаса ҳам.
Мураббий 20 ёшли футболчининг машғулотлардаги саъй-ҳаракатлари ва айниқса, ҳимоядаги ҳаракатларидан қониқмади. Бу Гюлер учун унчалик яхши янгилик эмас, аммо бу "Арсенал" учун жуда фойдали бўлиши мумкин, айниқса, Анчелотти яна бир мавсум "Реал" бош мураббийи бўлиб қолса. Бу уни ижарага олиш ёки тўлиқ трансфер учун "яшил чироқ"ни тақдим этиши мумкин.
