Испания терма жамоаси Миллатлар лигаси чорак финалининг биринчи ўйинида Нидерландия билан 2:2 ҳисобида дуранг ўйнади.
Ҳисоб 9-дақиқада испаниялик ҳужумчи Нико Уильямс томонидан очилди. Мезбонлар 28-дақиқада Коди Гакпонинг голи эвазига ҳисобни тенглаштиришди. 46-дақиқада Тиджани Рейндерс нидерландларни ҳисобда олдинга олиб чиқди.
Рональд Куман шогирдлари ўйинни ўн киши билан якунлади - Йоррел Хато 82-дақиқада қизил карточка олди. Учрашув якунида Микель Меринонинг голи меҳмонларга дуранг келтирди.
Жавоб ўйини 23 март куни Испанияда бўлиб ўтади.
