Златко Далич Миллатлар лигаси 1/4 финали биринчи учрашувида Франция устидан қозонилган ғалабага (2:0) баҳо берди.
"Мен футболчиларимни ушбу ажойиб муваффақият билан табриклайман. Биз ихчам ва тартибли ўйнадик. Пенальтини ура олмаган вазиятда ҳам таслим бўлмадик. Биз кўплаб вазиятлар яратдик, ҳимоявий таркибимизни сақлаб қолдик, аммо ҳимояда ўтирмасликка ҳаракат қилдик.
Агар сиз Францияга бўш жой берсангиз, у сизни жазолайди. Биз шиддатлиликни сақлаб қолиш учун керакли вақтда алмаштиришларни амалга оширдик. Иккинчи бўлимда рақибда биз ёмонроқ ўйнай бошлаган пайтларимиз бўлди. Биз ажойиб ғалабага эришдик, аммо уч кундан кейин яна бир ўйин бўлади.
Якшанба куни Парижда қийин бўлади. Французлар кучли қўллаб-қувватлашга эга бўлишади ва улар ўз вазифаларини жуда яхши тушунадилар. Умид қиламанки, биз футбол донолигини кўрсатамиз ва тўғри тактика танлаймиз. Бу осон бўлмайди, лекин мен ишонаманки, биз финал босқичига чиқамиз", - деди Хорватия терма жамоаси бош мураббийи.
