Франк Рибери 2013 йилги “Олтин тўп”ни топшириш маросимини эслади.
“Бу мукаммал йил бўлди. Мен кўпроғига эриша олмадим. Бу "Олтин тўп" абадий адолатсизлик бўлиб қолади. Мен ҳали ҳам тушунтириш излаяпман. Нега овоз бериш икки ҳафтадан кўпроқ вақтга кечиктирилганини ҳеч қачон тушунолмайман.
Месси ва Роналду менга доимо ҳурмат кўрсатишган. Мен улар билан бир савияда эканлигимни билишарди. Камтарона қилиб айтганда, 2013 йилда уларга ҳавас қилишимга асос йўқ эди", - деди "Бавария"нинг собиқ вингери.
ФИФА ва France Football томонидан ташкил этилган овоз беришда Рибери учинчи ўринни эгаллади. Криштиану Роналду биринчи, Лионель Месси иккинчи бўлди.
