"Реал" Винисиус Жуниор билан шартномани узайтириш бўйича музокараларни давом эттирмоқда. Шу фонда миш-мишлар бразилиялик юлдузни Саудия Арабистонининг бой клублари билан боғламоқда.

Испаниянинг Sport нашри хабарига кўра, агар Винисиус билан музокаралар муваффақиятсиз якунланса, "Реал" 250 миллион евродан юқори бўлган таклифларни кўриб чиқишга тайёр бўлади. Агар бразилиялик футболчи клубни тарк этса, унда "қаймоқранглилар" икки футболчидан бирини - "Байер"дан Флориан Вирц ёки "Атлетик"дан Нико Уильямсни ўз сафига қўшиб олишга ҳаракат қилади.

21 ёшли Вирц "Transfermarkt" портали томонидан 140 миллион еврога, 22 ёшли Уильямс эса 70 миллион еврога баҳоланмоқда.