Мадриднинг "Атлетико" клуби ҳужумчиси Хулиан Альварес Чемпионлар лигаси 1/8 финал босқичининг жавоб учрашувида "Реал"га қарши ўйиндаги баҳсли пенальти ҳақида фикр билдирди. Аргентиналик футболчининг голи тўпга икки марта тегиниш сабабли бекор қилинган эди.
"Мен бу эпизодни кўп марта такроран кўриб чиқдим. Бу ҳолатнинг видеоси ҳамма жойда бор. Мен иккинчи тегинишни сезганим йўқ. Агар у бўлган бўлса ҳам, шунчалик кичик эдики, уни сезиш имконсиз эди. Бундай ҳолат юз бергани жуда ачинарли," дея Хулианнинг сўзларини келтиради ESPN.
