Қозоғистон терма жамоаси бош мураббийи вазифасини бажарувчи Али Алиев «Қайрат»нинг 16 ёшли ҳужумчиси Дастан Сатпаев ҳақида фикр билдирди ва уни «Манчестер Сити»нинг ўзбек ҳимоячиси Абдуқодир Ҳусанов билан солиштирди.

— Дастан Сатпаев – бу юлдузча. Мен уни яқинда Ҳусанов билан солиштирдим. Балки, 16 ёшида Ҳусановни ҳали ҳеч ким танимаган бўлиши мумкин. Бугун эса, 16 ёшида биз Дастан Сатпаевни «Челси»га сотдик, — деди Алиев Уэльсга қарши ўйин олдидан ўтказилган матбуот анжуманида.  

Эслатиб ўтамиз, «Челси» ва «Қайрат» Дастан Сатпаевнинг трансфери бўйича 4,3 миллион евро эвазига келишувга эришишди. Футболчи 18 ёшга тўлганидан сўнг, у Англия клуби билан расман шартнома имзолай олади.