Хаби Алонсо ҳали келажаги ҳақида бир қарорга келмаган.
Аввалроқ, немис ОАВда "Байер" бош мураббийи яна бир мавсум клубда қолишга қарор қилгани ҳақида хабарлар тарқалган эди.
Бироқ якуний қарор ҳали қабул қилинмаган, деб ёзади Marca. Томонлар мулоқотни давом эттирмоқда ва бир-бирига ишонч билдирмоқда. Мураббий яқин вақтлар ичида келажагини белгилаб олиши кутилмоқда.
Леверкузен клуби Алонсонинг ишидан ҳар томонлама мамнун ва мураббий билан ҳамкорликни давом эттирмоқчи. "Байер" испаниялик мутахассис камида амалдаги шартномасини ишлаб беришига ишонмоқда - у 2026 йилгача мўлжалланган.
"Байер" 26 турдан сўнг 56 очко жамғариб, Бундеслига турнир жадвалида 2-ўринда бормоқда.
