"Наполи" бош мураббийи Антонио Конте "Ювентус"дан таклиф олиши мумкин.
Турин гранди тез орада Тьяго Мотта билан хайрлашади. "Газета.Ру"нинг журналист Марко Контериога таяниб хабар беришича, "Ювентус" Игор Тудорни мавсум охиригача қўйиш бўйича "арзон" вариантни танлаган. Хорватиялик билан шартномада ҳамкорликни бир йилга узайтириш мумкинлиги қайд этилади, бироқ "кекса синьора" раҳбарияти Контенинг қайтишини орзу қилмоқда. Катта эҳтимол билан, клуб ёзда "Наполи"нинг ҳозирги бош мураббийини ўз сафига қўшиб олишга ҳаракат қилади.
Антонио Конте 2011-2014 йилларда "Ювентус"ни бошқарган. Мутахассиснинг неаполликлар билан амалдаги шартномаси 2027 йилгача мўлжалланган.
