Испания терма жамоаси ва "Барселона" футболчиси Ферран Торрес жорий мавсум ҳақида ўз фикрлари билан ўртоқлашди.
25 ёшли форвард Каталония гранди асосий таркибида доимий ўринга эга эмас, аммо захирадан майдонга тушганидан кейин мунтазам равишда рақиблар дарвозасини ишғол этиб келмоқда.
"Мен хотиржам ва меҳнаткаш одамман. Мен ўзимга ҳеч қандай чегара қўймайман, нимага эришишим мумкинлигини кўриш учун астойдил ишлашда давом этаман. Ҳар сафар майдонда ўзимни кўрсатиш имкониятига эга бўлганимда, мен бундан максимал даражада фойдаланишга, боримни беришга ҳаракат қиламан," - деди Торрес Миллатлар лигаси доирасида Нидерландияга қарши ўйин олдидан ўтказилган матбуот анжуманида.
