"Бавария" кузатув кенгаши аъзоси Карл-Хайнц Румменигге Чемпионлар Лигаси 1/4 финалида "Интер" билан ўйинлар ҳақида фикр билдирди.
"Бу иккита қийин ўйин бўлади. Иккала жамоа ҳам юқори савияда. "Интер" бир неча йил олдин Чемпионлар Лигаси финалига чиқиши бежиз эмас. Ярим финалга чиқиш учун биз бу ерда, Мюнхенда ва Миланда иккита ажойиб ўйин ўтказишимиз керак бўлади.
Ҳеч ким бизни фаворит деб ўйламаслиги керак, бундай эмас. "Интер"нинг ҳимояси зўр, олдинда Лаутаро ва Тюрам, аммо услубимиз бироз устунроқ. Мюнхендаги биринчи ўйинда яхши натижага эришишимиз керак," - деди Румменигге.
Чемпионлар лигаси 1/4 финалидан ўрин олган "Бавария" - "Интер" ўртасидаги дастлабки ўйин 8 апрель куни бўлиб ўтади.
