Украиналик вингер Михаил Мудрик Лондоннинг "Челси" клубини тарк этиши мумкин. Бу ҳақда Todofichajes портали саҳифаларида маълум қилинди.
Журналистларга маълум бўлишича, ҳужумкор ярим ҳимоячини "Манчестер Юнайтед" ўз сафига қўшиб олмоқчи. "Қизил иблислар" ёзги трансферлар даврида футболчини ўз сафига қўшиб олишга уриниб кўриши мумкин. Потенциал битим қиймати 40-50 миллион еврога баҳоланмоқда. Трансфер бўйича якуний қарорни манкунианликлар устози Рубен Аморим қабул қилади.
Михаил 2023 йилнинг қишида "аристократлар" сафига қўшилди. Томонлар ўртасидаги амалдаги шартнома 2031 йилнинг ўрталарига қадар мўлжалланган.
