Ukrainalik vinger Mixail Mudrik Londonning "Chelsi" klubini tark etishi mumkin. Bu haqda Todofichajes portali sahifalarida ma’lum qilindi.
Jurnalistlarga ma’lum bo‘lishicha, hujumkor yarim himoyachini "Manchester Yunayted" o‘z safiga qo‘shib olmoqchi. "Qizil iblislar" yozgi transferlar davrida futbolchini o‘z safiga qo‘shib olishga urinib ko‘rishi mumkin. Potensial bitim qiymati 40-50 million yevroga baholanmoqda. Transfer bo‘yicha yakuniy qarorni mankunianliklar ustozi Ruben Amorim qabul qiladi.
Mixail 2023 yilning qishida "aristokratlar" safiga qo‘shildi. Tomonlar o‘rtasidagi amaldagi shartnoma 2031 yilning o‘rtalariga qadar mo‘ljallangan.
