"Ювентус" Тьяго Мотта бош мураббийликдан истеъфога чиқарилганини эълон қилишга тайёрланмоқда. Кўплаб манбаларга кўра, мураббийнинг тақдири аллақачон ҳал бўлган - у тез орада истеъфога чиқарилади. Corriere dello Sport хабарига кўра, Мотта билан хайрлашиш "Ювентус"га 15 млн еврога тушади. Клуб шартномани муддатидан олдин бекор қилгани учун мутахассисга тўлаши керак бўлган жарима миқдори шундай. Шартнома 2027 йилгача мўлжалланган.
Агар кутилмаган ҳодиса юз бермаса, мавсум охиригача Тьяго Моттанинг ўрнини Игор Тудор эгаллайди.
