"Yuventus" Tyago Motta bosh murabbiylikdan iste’foga chiqarilganini e’lon qilishga tayyorlanmoqda. Ko‘plab manbalarga ko‘ra, murabbiyning taqdiri allaqachon hal bo‘lgan - u tez orada iste’foga chiqariladi. Corriere dello Sport xabariga ko‘ra, Motta bilan xayrlashish "Yuventus"ga 15 mln yevroga tushadi. Klub shartnomani muddatidan oldin bekor qilgani uchun mutaxassisga to‘lashi kerak bo‘lgan jarima miqdori shunday. Shartnoma 2027 yilgacha mo‘ljallangan.
Agar kutilmagan hodisa yuz bermasa, mavsum oxirigacha Tyago Mottaning o‘rnini Igor Tudor egallaydi.
