Фил Томпсон судга муваффақиятсиз мурожаат қилганидан сўнг Буюк Британия солиқ хизматига деярли 300 000 фунт стерлинг миқдорида қарзга ботиб қолди.
Айблов томонининг таъкидлашича, собиқ футболчи телевидениеда эксперт сифатида ишлашдан олган даромадидан 294 306 фунт стерлинг миқдорида солиқ тўлаши керак экан. Дастлаб Томпсон биринчи инстанция судида бу қарорга эътироз билдирган, бироқ 2023 йил 11 декабрда унинг шикояти рад этилган. Энди эса юқори суд аввалги қарорни ўз кучида қолдирди.
71 ёшли Томпсон 1970-1980 йилларда "Ливерпуль" сафида 500 га яқин ўйинда майдонга тушган. У жамоа сардори бўлган ва еттита чемпионлик унвонини қўлга киритган.
