"Барселона" президенти Жоан Лапорта ва Каталония клуби спорт директори Деку "Ньюкасл" ҳужумчиси Александр Исакни ўз сафига қўшиб олиш борасида тўлиқ келишиб олишган. Бу ҳақда Sport.es хабар бермоқда.

Манбага кўра, ўтган йилнинг охирида "Барселона" ва Исакнинг агенти ўртасида ягона учрашув бўлиб ўтган ва унда испаниялик гранд швециялик футболчини ўз сафига қўшиб олмоқчи эканини маълум қилган. Деку ушбу трансферни амалга ошириш бўйича иш олиб боришини таъкидлади.

Бироқ, "Барселона" Исакни сотиб олиш учун пулни бўшатиш учун амалдаги футболчиларни сотиши керак. Клуб рўйхатдан ўтишда қийинчиликларга дуч келган ярим ҳимоячи Даниэль Ольмо билан боғлиқ вазият такрорланишини истамаяпти. Келаси ёзда сотилиши мумкин бўлган энг катта даъвогар ҳимоячи Рональд Араухо бўлиб турибди, аммо клубни бошқа футболчилар ҳам тарк этиши мумкин.