“Олмалиқ” футбол мактаби жамоалари 29 майдан республика ва вилоят мусобақаларида қатнашишни бошлашди.

1997-1998 ва 1999-2000 йилларда туғилган икки жамоа ресбуплика тайёрлов гуруҳлари чемпионатида 5-гуруҳдан жой олди. Бу гуруҳда уларга “Металлург” (Бекобод), “Янгиер” (Янгиер), “Зомин” (Зомин) ва “Ғаллакор-Автомобилчи” (Ғаллаорол) жамоалари рақиблик қилишади.

29 май куни ўтган биринчи тур баҳсида кичик ёшдаги жамоа ўз майдонида бекободликлар билан учрашиб 2:2 (Афзал Аҳмаджонов, Дилшод Эркинов) ҳисобида дурангга имзо чеккан бўлса, катта ёшдаги жамоа 1:1 (Расулжон Боиров) ҳисоби қайд этди. Турнинг иккинчи учрашуви “Янгиер” – “Ғаллакор-Автомобилчи” бошқа муддатга қолдирилган.

Иккинчи тур 5 июнь куни бўлиб ўтди. “Олмалиқ” жамоалари Ғаллаоролга сафар уюштиришди. Кичик ёшдагилар 5:2 (Отабек Усубалиев 3та, Аббосжон Каримжонов, Исломжон Юсупов), катта ёшдагилар эса 2:1 (Анваржон Сапаров, Шахзод Эшқўзиев) ҳисобида ғалаба қозонди. Турнинг иккинчи баҳсида “Зомин” – “Янгиер” жамоалари учрашишди. Кичик ёшдагилар учрашуви 0:7 ва катта ёшгилар баҳси 2:0 натижа билан якун топди.

Учинчи тур ўйинлари 16 июнь куни бўлиб ўтади. Унда олмалиқликлар “Зомин”ни ўз майдонида қабул қилса, “Металлург” – “Ғаллакор-Автобилчи” баҳси Бекобод шаҳрида бўлиб ўтади.

Икки тур якунида “Олмалиқ”нинг ҳар икки жамоаси 4тадан очко жамғарган ҳолда турнир жадвалини бошқариб турибди.
 
Яна икки ёшдаги жамоа (1998 ва 2000) Тошкент вилояти ёшлар лигасида баҳсларга киришган. Улар қайд этаётган натижаларни ҳақида кейинроқ хабар берамиз.