Германия терма жамоаси бош мураббийи Юлиан Нагельсманн Миллатлар Лигаси чорак финалидан ўрин олган Италияга (3:3) қарши жавоб ўйинида қўлдан чиқарилган ғалаба ҳақида фикрларини билдирди.
"Бугунги биринчи бўлим Германия терма жамоаси учун менинг давримдаги энг яхшиси деб ўйлайман. Тўпни яхши назорат қилдик, агрессив ҳимояландик ва учта гол урдик. Иккинчи бўлимда ўзгаришлар қилишга тўғри келди, чунки ҳамма ҳам 90 дақиқа ўйнай олмасди. Иккинчи ўтказиб юборилган тўпдан кейин асабийлашдим. Энг катта муаммо - орқага узатмаларнинг кўплиги, танаффусгача бундай ўйнамадик," - деди Нагельсманн ярим финалга чиққандан кейин берган интервьюсида.
