Germaniya terma jamoasi bosh murabbiyi Yulian Nagelsmann Millatlar Ligasi chorak finalidan o‘rin olgan Italiyaga (3:3) qarshi javob o‘yinida qo‘ldan chiqarilgan g‘alaba haqida fikrlarini bildirdi.
"Bugungi birinchi bo‘lim Germaniya terma jamoasi uchun mening davrimdagi eng yaxshisi deb o‘ylayman. To‘pni yaxshi nazorat qildik, agressiv himoyalandik va uchta gol urdik. Ikkinchi bo‘limda o‘zgarishlar qilishga to‘g‘ri keldi, chunki hamma ham 90 daqiqa o‘ynay olmasdi. Ikkinchi o‘tkazib yuborilgan to‘pdan keyin asabiylashdim. Eng katta muammo - orqaga uzatmalarning ko‘pligi, tanaffusgacha bunday o‘ynamadik," - dedi Nagelsmann yarim finalga chiqqandan keyin bergan intervyusida.
