Италия терма жамоаси бош мураббийи Лучано Спаллетти Миллатлар Лигаси 1/4 финалидан ўрин олган Германияга (3:3) қарши ўйиндан сўнг ўз таассуротлари билан ўртоқлашди.
"Биринчи бўлимда қўлимиздан келганча ўйнашга жасорат етишмади. Кейин биз яна нимадир қўшишимиз кераклигини англадик - ана шунда ҳамма Италия терма жамоасини бутун кучини кўрди.
Танаффусдан олдин жуда кўп хатолар бўлди. Германия юқори босим ўтказишини билардик, аммо мен футболчилардан кўпроқ нарсани кутгандим. Танаффусдаги суҳбат фойда келтирди. Ўйлайманки, бугун саъй-ҳаракатларимиз учун кўпроқ нарсага лойиқ эдик," - деди Спаллетти RAI Sport нашрига берган интервьюсида.
