"Барселона" вингери Рафинья Диас жамоадоши Ламин Ямалнинг истиқболлари ҳақида гапирди.
Бразилиялик ва испаниялик футболчи жорий евромавсумнинг энг самарали ҳужум чизиқларидан бирини ташкил этмоқда. Якшанба куни 17 ёшли футболчи "қизил фурия"га қўшимча бўлимларда гол уриб, Миллатлар лигаси чорак финалида Нидерландияни мағлуб этишга ёрдам берди. Пенальтилар сериясидаги зарбасини вундеркинд голга айлантира олмади, аммо бу испанларга халақит бермади.
"Ямал ажойиб, фавқулодда истеъдод эгаси. Бу унинг ўзига боғлиқ, аммо унда рекордлар ўрнатиш ва узоқ йиллар давомида индивидуал мукофотларни қўлга киритиш учун ҳамма нарса бор. Бугунги кунда футбол кўп нарсани талаб қилади: масалан, овқатланишни назорат қилиш, қатъий режимга риоя қилиш керак. Тўғри тайёргарлик билан Ламин яна узоқ вақт давомида энг яхшилар қаторида қолиши мумкин," - дея Рафиньянинг сўзларини келтиради испан ОАВ.
