Франция терма жамоаси бош мураббийи Дидье Дешам "Реал" ярим ҳимоячиси Лука Модрич ҳақида фикр билдирди.
"Модрич узоқ вақтдан бери энг юқори савияда ўйнамоқда. Бу ажойиб футболчи. У ҳар доим ҳал қилувчи рол ўйнаган. Унинг жамоа ўйинига катта таъсири бор. Лука - ажойиб профессионал, шунинг учун у ҳали ҳам "Реал"да ўйнайди", - дейди франциялик мутахассис.
Жорий мавсумда 39 ёшли хорватиялик ярим ҳимоячи қироллик клуби сафида 44 та ўйин ўтказиб, 4 та гол ва 7 та голли узатмани амалга оширди. Модричнинг "Реал" билан амалдаги шартномаси июн ойи охирида тугайди.
