Италия терма жамоаси бош мураббийи Чезаре Пранделли қўл остидаги футболчилар билан "Твиттер" микроблоглар хизматидан фойдаланиш юзасидан муҳокама ўтказишни истамоқда.
Мураббийни Марио Балотелли хавотирга солаётган бўлиши эҳтимоли юқори. Чунки у 7 июнь куни Чехияга қарши 0:0 ҳисобида якунланган ЖЧ саралаш учрашувида "қизил" карточка олди ва ўйиндан сўнг ўзини танқид қилганларга "твиттер" орқали Конфедерациялар кубогида бошқа жамоага мухлис бўлишни тавсия қилди. Бироз вақт ўтиб эса узр сўради. "Бу ҳаракатим нотўғри бўлди. Жамоамдан узр сўрайман. Афсус. Бундан сабоқ чиқаришим керак", деб ёзди Балотелли.
"Очиғини айтганда, "твиттер"даги бугунги хабарлар менга кўпроқ ёқяпти. Яқин кунларда футболчиларим билан улар "твиттер"дан қандай фойдаланишлари кераклиги хусусида суҳбатлашиб оламиз. Марио шуни тушуниши керакки, ҳар доим иғвогарлар манбасига айланиб қолмаслиги чегарадан чиқмаслиги лозим", дейя Пранделлининг сўзларидан иқтибос келтирмоқда итальян нашрлари.