Фабрицио Романонинг сўзларига кўра, "Барселона" ёзда ўнг қанот ҳимоячисини сотиб олишни режалаштирмоқда. Клуб Жюль Кунденинг ўйинидан мамнун, аммо ўйинлар кўплигини ҳисобга олиб, каталонияликлар ҳимоя қанотини кучайтиришга интилмоқда.

Ушбу трансферга асосий номзодлардан бири "Монако"да тўп тепаётган бразилиялик ҳимоячи Вандерсон бўлди. У аввалроқ Премьер-лига клубларининг эътиборини тортган. "Барселона" унинг кўп қирралилигини қадрлайди, чунки у чап қанотда ўйнай олади ва ҳужумда ҳам, ҳимояда ҳам яхши ишлайди.

Романонинг сўзларига кўра, "Барселона" спорт директори Деку Вандерсоннинг агенти Жулиано Бертолуччи билан яхши муносабатда бўлиб, бу мумкин бўлган трансферни осонлаштириши мумкин.

Ушбу мавсумда бразилиялик футболчи “Монако” сафида барча турнирларда 34 та ўйинда майдонга тушиб, 2 та гол ва 4 та голли узатмага муаллифлик қилган.