"Спортинг" форварди Виктор Дьёкереш фаолиятини Испанияда давом эттириши мумкин, дея хабар бермоқда журналист Рубен Урия.
Манбага кўра, 26 ёшли швециялик футболчига "Атлетико" даъвогарлик қилмоқда. Мадридликлар келишувни мураккаб деб ҳисобламоқда, аммо имконсиз эмас. Испан клуби аллақачон унинг трансфери бўйича бир нечта сўровлар юборган.
Дьекереш жорий мавсум 41 та ўйинда майдонга тушиб, 40 та гол урди ва 10 та голли узатмани амалга оширди. Transfermarkt портали футболчининг нархини 75 миллион еврога баҳоламоқда.
