"Реал" мавсумнинг дастлабки 6 ойида ярим миллиард евродан кўпроқ даромад қилди.
AS нашрининг Мадрид клубининг оралиқ молиявий ҳисоботига таяниб хабар беришича, 2024 йилнинг июль-декабрь ойларида "Реал"нинг умумий даромади 589,8 миллион еврони ташкил этди - бу ўтган мавсумнинг шу даврига нисбатан 27,9 фоизга кўп.
"Реал"нинг мавсум бошидан бери "Сантьяго Бернабеу"дан ишдан ташқари вақтда олган даромади 43,9 миллион еврони ташкил этди - бу бутун 2023/24 йилги мавсум учун худди шу давр бўйича даромаднинг 95 фоизини ташкил этади. Ўйин кунларидаги даромад 149,6 млн еврони ташкил этди - ўтган мавсумнинг шу даврида "Реал" 94,5 млн евро ишлаб олганди. Шу билан бирга, "Реал"нинг барча турнирлардаги 20 та уй учрашувидан 19 тасида 70 мингдан ортиқ томошабин иштирок этди.
"Реал"нинг маркетингдан олган даромади мавсум бошидан буён ўтган мавсумга нисбатан 38,6 фоизга ўсиб, 250,4 млн еврога етди. Шунингдек, клубнинг чакана савдо, ҳомийлик ва лицензиялашдан тушган даромадлари ҳам ошди.
Қайд этилишича, "Реал" катта эҳтимол билан 2024/25 йилги мавсумни рекорд даромад билан якунлайди. Эслатиб ўтамиз, 2023/24 йилги мавсум якунларига кўра, Мадрид клуби дунёда биринчи бўлиб 1 миллиард евродан ортиқ даромад олганди.
