"Челси" хўжайини Тодд Боэли ўз сиғими бўйича Премьер-лигада 11-ўринда турадиган "Стэмфорд Бридж" ўрнига янги стадион қуриш имконияти ҳақида гапирди.
"Буларнинг барчасини Лондонда қилиш ҳақиқатдан ҳам қийин. Бу ерда кўп одамлар ва "Челси" мухлислари ҳақида ташвишланиш керак, бу бизнинг устувор вазифамиз. Ўйлайманки, узоқ муддатда биз янги стадион қура оламиз", - дейди Боэли.
Эслатиб ўтамиз, “Челси”да янги стадион ҳақида гап-сўзлар 2017 йилдан бери давом этмоқда, ўшанда лондонликлар маҳаллий ҳокимият вакилларининг қўллаб-қувватлашини таъминлаб, 60 000 ўринли янги арена лойиҳасини тақдим этганди.
"Кўклар", шунингдек, "Стэмфорд Бридж"ни кенгайтириш имкониятларини бир неча бор муҳокама қилишган, аммо шаҳарнинг зич ривожланиши ва стадион атрофидаги темир йўл бу режаларнинг амалга ошишига тўсқинлик қилган.