"Chelsi" xo‘jayini Todd Boeli o‘z sig‘imi bo‘yicha Premyer-ligada 11-o‘rinda turadigan "Stemford Bridj" o‘rniga yangi stadion qurish imkoniyati haqida gapirdi.
"Bularning barchasini Londonda qilish haqiqatdan ham qiyin. Bu yerda ko‘p odamlar va "Chelsi" muxlislari haqida tashvishlanish kerak, bu bizning ustuvor vazifamiz. O‘ylaymanki, uzoq muddatda biz yangi stadion qura olamiz", - deydi Boeli.
Eslatib o‘tamiz, “Chelsi”da yangi stadion haqida gap-so‘zlar 2017 yildan beri davom etmoqda, o‘shanda londonliklar mahalliy hokimiyat vakillarining qo‘llab-quvvatlashini ta’minlab, 60 000 o‘rinli yangi arena loyihasini taqdim etgandi.
"Ko‘klar", shuningdek, "Stemford Bridj"ni kengaytirish imkoniyatlarini bir necha bor muhokama qilishgan, ammo shaharning zich rivojlanishi va stadion atrofidagi temir yo‘l bu rejalarning amalga oshishiga to‘sqinlik qilgan.
