"Барселона"нинг собиқ ҳимоячиси Жерар Пике "Реал"нинг жорий мавсумдаги ўйинлари ҳақида ўз фикрлари билан ўртоқлашди.
"Менимча, "Реал" – мағлуб этиш қийин бўлган жамоа. Чемпионлар лигаси ҳақида гап кетганда, бу клуб бутунлай ўзгариб кетади.
Улар мавсумни даҳшатли ўтказишлари мумкин, Ла Лигада 20 очко ортда қолишлари мумкин, аммо Чемпионлар Лигасида фантастик футбол ўйнашади. Сўнгги йилларда улар ҳар доим ҳам фаворит бўлишмаган, аммо якунда улар турнирда ғалаба қозонишган", - деди Пике.
"Реал Мадрид" айни дамда Ла Лига турнир жадвалида иккинчи ўринда бормоқда. Чемпионлар лигасининг чорак финалида мадридликлар “Арсенал”га қарши баҳс олиб боради.
