Мадриднинг “Реал” клуби марказий ҳимоячи Рауль Асенсио билан шартномани узайтиришга рози бўлди. 22 ёшли футболчининг янги шартномаси аввал хабар қилинганидек, 2029 йилгача мўлжалланган.
Келгуси мавсумдан бошлаб испанияликнинг маоши йилига 6,2 миллион еврогача кўтарилади, деб ёзади Маrca ва кейинчалик 9 миллион еврога кўтарилиши мумкин. Товон пули 100 миллион еврони ташкил қилади.
Рауль Асенсио ўтган йилнинг ноябрь ойида "Лос-Бланкос" асосий жамоасида дебют қилганди. Ўшандан бери футболчи Карло Анчелотти жамоасида барча турнирларда жами 30та ўйин ўтказиб, иккита голли узатмани қайд этишга муваффақ бўлди.
