"Барселона" бош мураббийи Ханс-Дитер Флик матбуот анжуманида ҳимоячи Пау Кубарсининг ҳолатига изоҳ берди. Яқинда 18 ёшли футболчи Испания терма жамоасида жароҳат олганди.
"Куборси асосдан чиқадими? Йўқ. Мудофаа марказида Эрик ва Иньиго ўйнайди, Пау эса захирада қолади. Кубарси бизга керак, лекин менимча, унга тўлиқ тикланиш учун яна икки-уч кун керак," - деди Флик журналистларга.
27 март, пайшанба куни "Барселона" Испания чемпионати доирасида ўз майдонида "Осасуна"га қарши баҳс олиб боради. Аввалроқ, бу ўйин "Барселона" клуби шифокорининг вафоти туфайли қолдирилган эди.
