Испаниянинг "Барселона" клуби "Брайтон" дарвозабони Барт Вербрюггенга қизиқиш билдираётган сўнгги клубга айланди.
Мавсум бошида Вербрюггенга "Манчестер Юнайтед" ва "Бавария" қизиқиш билдираётган эди, энди эса Испаниянинг Sport нашри хабарига кўра, Барт "Барселона"нинг радарига тушиб қолган.
"Барселона" скаутлари якшанба куни Испанияга қарши Нидерландиянинг Миллатлар лигаси чорак финал жавоб учрашувида Вербрюггеннинг ўйинларини томоша қилишган.
Тўғри, "Барселона" Вербрюггенни узоқ муддатли истиқбол сифатида кўриб чиқмоқда, 22 ёшли нидерландни 2026 йилдан эртароқ таклиф қилмоқчи эмас. Вербрюгген жорий мавсумда Премьер-лигада 27 та ўйинда майдонга тушди, "Брайтон" ҳозирда 7-ўринда.
