Франция терма жамоаси собиқ бош мураббийи Лоран Блан Италиянинг "Рома" клуби бош мураббийи бўлиши мумкинлиги ҳақидаги хабарларни рад этди.
Аввалроқ француз мутахассиси Рим клуби билан икки йиллик шартнома имзолашга яқин тургани, аммо музокаралар боши берк кўчага кириб қолгани ҳақида маълумот берилганди.
"Рома"нинг навбатдаги мураббийи бўлмайман, гарчи клуб билан музокаралар бўлган бўлсада. Ишимга қайтишни жуда хоҳлаяпман, аммо қаерда фаолият юритишимни хозирча билмайман. Аммо аниқ айта оламанки, "Рома"да эмас. "Реал Сосьедад"? Бу жамоа билан ўртамда ҳеч қандай алоқа бўлгани йўқ", дея Бланнинг сўзларидан иқтибос келтирмоқда хориж матбуоти.