"Барселона" Трент Александр-Арнольд билан шартнома имзолашга ҳаракат қилиб кўрган.
Diario Sport нашрининг Cadena SER'га таяниб хабар беришича, каталонияликлар бир неча йиллар давомида "Ливерпуль" ҳимоячисини ўз сафига қўшиб олиш ҳақида ўйлаб кўрган. Бундай ғоя Хави ва Йорди Кройфф даврида пайдо бўлди.
Таъкидланишича, "блаугранлар"нинг айни дамдаги спорт директори Деку футболчининг агенти билан учрашиб, вазиятга ойдинлик киритган ва трансфер имкониятини чамалаб кўрган. Қандайдир сабабларга кўра (молиявий ёки бошқа) каталонияликлар охир-оқибат бу иш йўналишидан воз кечишди.
Аввалроқ Трентга "Реал" расмий таклиф билан чиққани маълум бўлганди.
