"Ювентус" марказий ҳимоячиси Глейсон Бремер Тьяго Моттанинг бош мураббийликдан истеъфога чиқарилгани ҳақида ўз фикрларини билдирди.
Якшанба куни Турин клуби италиялик мутахассиснинг истеъфога чиқарилгани ва унинг ўрнига Игор Тудор тайинланганини расман эълон қилди.
"Оғир ойлар ортда қолди. Дарҳол майдонга қайтишни истардим, лекин сабр қилиш керак. Балки ёзда клублар ўртасидаги жаҳон чемпионатида ўйнашим мумкин бўлар.
Тьяго Моттага жуда ачинаман, уни яхши мураббий деб биламан. Умид қиламизки, Тудор билан Чемпионлар лигасига чиқа оламиз," - деди Бремер Sky Sport'га берган интервьюсида.
