Мадриднинг "Реал" клуби ўнг қанот ҳимоячиси Даниэль Карвахаль реабилитация жараёни ҳақида гапирди.
33 ёшли футболчи ўтган йилнинг октябрь ойи бошида "Вильярреал"га қарши ўйинда хочсимон пайидан олган жароҳати туфайли сафдан чиққан эди.
"Операция ўтказилганига беш ярим ой бўлди. Бутсаларимни кийиб, майдонда машқ қиляпман. Вазифа - иложи борича тезроқ, лекин ортиқча хавф-хатарсиз қайтиш.
Жароҳатдан сўнг кийиниш хонасига борганимда, миямда нимадир қарсиллаб кетди - жамоадошларимни қўллаб-қувватлай бошладим," - дейди Карвахаль интервьюда.
Испаниялик футболчининг қайтиши янги мавсум бошида режалаштирилган.
